Afhending keppnisgagna verður í verslun TRI á Suðurlandsbraut 32, föstudaginn 29. maí frá kl. 15 til 18.

Á keppnisdag munum við hafa aðstöðu okkar á bílaplaninu þar sem Hótel Valhöll var. Ræsing hefst kl. 8:30 við vestari enda brúar yfir Öxará.

• kl. 8:30 er A-flokkur karla ræstur út, þeir fara 4 hringi
• kl. 8:32 er A-flokkur kvenna ræstur út, þær fara 3 hringi
• kl. 8:35 er allur B-flokkurinn ræstur út. Karlarnir fara 3 hringi, konurnar 2 hringi og unglingarnir 2 hringi

Það verða undanfarar með blikkljós fyrir A-flokk karla og A-flokk kvenna. En B-flokkurinn hjólar án undanfara. Undanfari er jafnframt dómari viðkomandi flokks. Hann keyrir fáeinum vegstikum á undan fyrstu keppendum í flokki, nema í síðasta hring að hann mun keyra á eftir forystuhóp frá Vatnsvik í endamark.

Keppendur sem ræstir eru út á mismunandi tíma er ekki heimilt að hjóla saman í hóp á meðan á keppni stendur.

Það verður einstefna frá afleggjaranum niður í Vatnsvik að afleggjaranum niður að hótelplaninu okkar.

Við beinum þeim tilmælum til keppenda að renna beint niður að bílastæðinu okkar eftir að hafa farið yfir endamarkið. Kyrrstæð þvaga við endamarkið skapar bara hættu. 

Ekki gleyma að skila keppnisgögnum, tímatökuflögu og rásnúmeri, að lokinni keppni.

Bestu kveðjur frá keppnisstjórn.