Afhending keppnisgagna verður í Kríu, Grandagarði 7, laugardaginn 28. maí frá kl. 10 til 12:30.

Á keppnisdag munum við hafa aðstöðu okkar á bílaplaninu þar sem Hótel Valhöll var. Ræsing hefst kl. 17:00 við afleggjarann niður að Valhallarplaninu.

kl. 17:00 er A-flokkur karla ræstur út, þeir fara 5 hringi
kl. 17:02 er A-flokkur kvenna ræstur út, þær fara 4 hringi
kl. 17:10 er allur B-flokkurinn ræstur út og allir unglingaflokkar (18 ára og yngri). Karlarnir fara 4 hringi, konurnar 3 hringi og B-flokkur unglinga 2 hringi. A-flokkur unglingaflokks drengja fer 4 hringi og A-flokkur unglingaflokks stúlkna 3 hringi.

Það verða undanfarar með blikkljós fyrir A-flokk karla og A-flokk kvenna. En B-flokkurinn hjólar án undanfara. Undanfari er jafnframt dómari viðkomandi flokks. Hann keyrir fáeinum vegstikum á undan fyrstu keppendum í flokki, nema í síðasta hring að hann mun keyra á eftir forystuhóp frá Vatnsvik í endamark.

Keppendur sem ræstir eru út á mismunandi tíma er ekki heimilt að hjóla saman í hóp á meðan á keppni stendur. Fari svo að hröðustu í B-flokki fari fram úr einhverjum í A-flokki kvenna eða karla, þá er lýst yfir svokölluðu "hlutlausu svæði" eða "neutral zone" á meðan á framúrkeyrslunni stendur. Það þýðir að engum er heimilt að "gera árás", þ.e.a.s leggja á rás til að slíta sig frá sínum hópi, á meðan á framúrkeyrslu stendur.

Það verður einstefna frá afleggjaranum niður í Vatnsvik að afleggjaranum niður að hótelplaninu okkar.

Við beinum þeim tilmælum til keppenda að renna beint niður að bílastæðinu okkar eftir að hafa farið yfir endamarkið. Kyrrstæð þvaga við endamarkið skapar bara hættu. 

Fyrir hönd keppenda munu keppnishaldarar gera upp aðstöðugjald til Þjóðgarðsins á Þingvöllum vegna afnota á bílastæðum og salernum.

Ekki gleyma að skila keppnisgögnum, tímatökuflögu og rásnúmeri, að lokinni keppni.

Bestu kveðjur frá keppnisstjórn.
Árni Guðlaugsson, keppnisstjóri og dómari í A-flokki karla
María Sæmundsdóttir, dómari í A-flokki kvenna
Örn Sigurðsson, framkvæmdastjóri og vörður við enda einstefnunnar