UPPFÆRÐ FRÉTT!

Í ljós kom eftir að úrslit úr stigamótum voru birt í gær (16.11) að það misfórst að taka tillit til stiga úr Íslandsmóti í TT, en samkvæmt frétt á síðu hri.is frá 14. ágúst sl (http://hri.is/frettir/motahald-a-naestunni-fra-14-agust) kom fram að þar sem 5. stigamót í TT féll niður var ákveðið að stig úr Íslandsmóti skyldu einnig gilda í stigamótsröð.

Búið er að uppfæra úrslitin í meðfylgjandi skjali en þetta hefur engin áhrif á röðun í sæti nema í B flokki karla. Við biðjumst velvirðingar á þessum mistökum.

Uppfærð úrslit.

Nokkrar tilkynningar frá stjórn HRÍ.

Eins og flestum ætti að vera kunnugt mun ekki vera unnt að halda Íslandsmót í CX á þessu ári (né nokkur önnur mót líklega). Við munum taka stöðuna á nýju ári og svo hvort það verði möguleiki að setja þetta mót á á fyrri hluta næsta árs.

Verið er að vinna í að velja hjólreiðafólk ársins og mun tilkynning um það berast formönnum aðildarafélaga á tölvupósti fljótlega.

Í ljósi aðstæðna hefur stjórn HRÍ ákveðið að lokahóf sambandsins verður ekki haldið að þessu sinni eins og venja er.

Á lokahófi er venjan að tilkynna og veita verðlaun fyrir stigamót sumarsins. Sú afhending verðlauna mun bíða betri tíma og verður tilkynnt um síðar. Hér að neðan eru þó úrslit úr stigamótum sumarsins, 3 efstu í hverjum flokki fyrir hverja mótaröð. Samkvæmt reglum sambandsins getur einstaklingur ekki talist stigameistari nema að ná stigum úr að lágmarki 3 mótum. Stig gilda úr öllum stigamótum nema einu. Ef tveir keppendur eru jafnir að stigum eftir öll mót telst sá sigurvegari sem oftar er í fyrsta sæti, ef enn er jafnt þá sá sem er oftar í öðru sæti o.s.frv.

Varðandi Fjallahjólreiða stigamót 2020. Samkvæmt reglum HRI skal halda að lágmarki 4 keppnir innan hjólreiðagreinar. Þar sem aðeins náðist að halda tvö stigamót og eitt Íslandsmót í Fjallahjólreiðum hefur stjórn ákveðið að veita undanþágu og telja öll þessi 3 mót til stiga.

Afhending verðlauna mun fara fram við gott tækifæri síðar.