Stjórn HRÍ kynnir hér með tillögur að nýjum 3. kafla í keppnisreglum HRÍ.

3. Kafli er sá kafli sem fjallar um flokkakerfi í öllum greinum hjólreiða.

Keppnisreglur 2022 - 3. kafli - Flokkar

Helstu breytingar eru eftirtaldar:

• Aldursskiptir Mastersflokkar, 40-49, 50-59 og 60+ eru aflagðir í Götuhjólagreinum sem og ólympískum fjallahjólreiðum (XCO)
• Innleiðing á getuskiptu flokkakerfi, A-B-C.
  • Keppendur geta fært sig um upp flokk ef þeir hafa náð 80 stigum, annaðhvort á síðastliðnu tímabili, eða á miðju tímabili óski þeir eftir því
  • Keppendur í B og C flokk verða að færa sig upp um flokk ef þeir hafa náð 135 stigum, annaðhvort á síðastliðnu tímabili eða á miðju tímabili.
• C-flokkur er opinn fyrir keppendum sem ekki eru skráðir í hjólreiðafélag og ætti þar af leiðandi að geta leyst af hólmi það sem almennt hefur verið kallað “almenninsflokkur”. Í fjallahjólagreinum þar sem ekki er skilgreindur C-flokkur verður B-flokkur opinn keppendum utan hjólreiðafélaga.
• Í tilfellum þar sem U23 keppandi sigrar á íslandsmóti fær viðkomandi þá tvenn verðlaun, bæði Elite og U23.
• Aðrar breytingar snúa fyrst og fremst að uppsetningu kaflans, en formið hefur verið einfaldað og töflur með upplýsingum settar í staðin fyrir upplýsingar sem grafnar voru í texta.

Tillögur um nýjann þriðja kafla verða lagðar fyrir Hjólreiðaþing sem haldið verður laugardaginn 26. febrúar í sal Ármanna hverafold 1-3 í Grafarvogi klukkan 14:00.

Öll aðildarfélög HRÍ hafa rétt á að senda fulltúa á þingið, fulltrúafjöldi hvers félags er skilgreindur í 5. grein laga HRÍ.

Félög með 1-50 iðkendur: 2 fulltrúar
Félög með 51-100 iðkendur: 3 fulltrúar
Félög með 101-200 iðkendur: 4 fulltrúar
Félög með 201-300 iðkendur: 5 fulltrúar
Félög með 301-500 iðkendur: 6 fulltrúar
Félög með 501 eða fleiri iðkendur: 7 fulltrúar

Aðildarfélög geta lagt fram breytingartillögur um kaflann og flokkakerfið á þinginu. Ef engar breytingatillögur berast og tillaga stjórnar HRÍ verður felld mun flokkakerfið vera óbreytt frá keppnistímabilinu 2021.

Stjórn HRÍ hvetur öll aðildarfélög til að ræða þessa breytingu við félagsmenn sína og nýta kosningarétt sinn í málinu.