Á lokadegi EM í Drenthe í dag fór fram götuhjólakeppnin í Elite flokki karla. Hjólað var frá Assen sem leið lá enn aftur til Col du VAM. Hjólaðir voru samtals 199,8 km. (115 km. + 6 hringir).
Ingvar Ómarsson (Breiðablik) var mættur á ráslínuna staðráðinn í að gera betur en á EM í München í fyrra þar sem hann átti frábæran dag og náði að klára rúmum 3 mínutum á eftir fremstu mönnum.Hinsvegar varð það ljóst að það yrði honum erfitt í dag þar sem hann lenti í því eftir um 30 km. leið að hjólarinn fyrir fram hann fellur í jörðina. Þrátt fyrir heiðarlega tilraun til að ná að stökkva yfir hann fékk Ingvar hjólið hans í sitt og flaug fram fyrir sig, fékk eigið hjól yfir sig og skall nokkuð illa í jörðinni. 

Þrátt fyrir að spretta strax upp aftur og á hjólið var hann nokkuð krambúleraður eftir byltuna og átti erfitt með að ná andanum í fyrstu. Næstu 20 mínúturnar fór svo mikil orka í það að koma sér aftur inn í hópinn sem reyndist erfitt. Þegar rétt um 70 km. voru eftir í hringina í Col du VAM var Ingvar svo flaggaður út úr keppni.

Þar með lauk þátttöku okkar Íslendinga á Evrópumótinu í götuhjólreiðum á árinu 2023.