Í sumar verður gerð sú breyting að leigugjald fyrir tímatökuflögu er ekki lengur inni í keppnisgjöldum og sjá keppendur sjálfir um að útvega sér flögur fyrir allar keppnir.

Þrjár leiðir verða í boði. Eignaflaga, sumarleiga og leiga fyrir stakt mót. Hver velur hvað hentar út frá því hversu mörgum keppnum ætlunin er að taka þátt í. Hægt verður að leigja eða kaupa flögur inni á netskraning.is/flogur
og verður mótunum bætt þar inn þegar skráningar opna.

Á mótunum í sumar munu allir þurfa að athuga virkni flögunnar til að fullvissa um hvort skráningar séu réttar fyrir start. Þetta verður gert á þar til gerðu svæði nálægt startsvæðinu. Þetta er mikilvægt þegar flögur eru komnar í hendur margra og ekki eins auðvelt að fylgjast með batterýstöðu og hvort þær hafi virk leyfi.

Á mjög fjölmennum mótum kann að vera að annar búnaður verði notaður sem les ekki þessar flögur en þá verður flögum útdeilt eins og verið hefur. Flögurnar sem um ræðir verða í.þ.m. notaðar á nær öllum bikar- og Íslandsmótum HRÍ. Einnig er hægt að nota þær í keppni víða erlendis.