Íslandsmeistaramót í götuhjólreiðum verður haldið samhliða Jökulmílunni 1. júlí 2017.

Ræsingu í almenningsviðburði Jökulmílunnar og Íslandsmeistaramóti verður háttað sem hér er tíundað:

Jökulmílan - almenningsviðburður
Lengd brautar:161 km.

Hópræsing kl. 10:00. Rangsælis hringur um Snæfellsnes sem hefst í Grundarfirði. Hjólað er vestur fyrir Jökul, til baka um Vegamót og Vatnaleið. Skipulagðar drykkjarstöðvar á vegum mótshaldara verða við Kothraun (eftir 53 km), Búðir (eftir 85 km), Vegamótum (eftir 124 km) og við Bjarnarhöfn (eftir 143 km).. Athugið að krókurinn niður að Rifi verður ekki hluti leiðarinnar í Jökulmílunni í ár.

Hálf Jökulmíla - almenningsviðburður
Hópræsing kl. 11:00. Ræst frá Grundarfirði, hjólað austur í Stykkishólm og til baka. Drykkjarstöð verður í Stykkishólmi (eftir 39 km).

Míluspretturinn - krakkaþraut á Mílukarlinum
Hópræsing kl. 13:00. Mílukarlinn er útpæld braut um götur Grundarfjarðar og lítur hún út ofan frá eins og karl með ýktan hökutopp. Brautin er ein míla að lengd (1,6 km.). Börn fædd á árunum 2001 - 2011 hjóla mis marga hringi.

ÍSLANDSMEISTARAMÓT 2017

Lengd brautar:78 - 161 km.

UCI Elite karlar: 161 km, ræsing kl. 11:45. Rangsælis hringur um Snæfellsnes sem hefst í Grundarfirði. Hjólað er vestur fyrir Jökul, til baka um Vegamót og Vatnaleið. Drykkjarstöð verður við Búðir (eftir 85 km). Athugið að krókurinn niður að Rifi verður ekki hluti leiðarinnar í Jökulmílunni í ár.

UCI Elite konur: 101 km, ræsing kl. 12:30. Ræst frá Grundarfirði og hjólaðir um 12 km vestur uppí Búlandshöfða hvar snúið verður við á keilu. Farið til baka í gegnum Grundarfjörð og síðan hjóluð Hálf Jökulmíla austur í Stykkishólm og til baka í Grundarfjörð. Drykkjarstöð verður í Stykkishólmi (eftir 51 km).

UCI Junior: Hálf Jökulmíla, 78 km, ræsing kl. 11:00. Ræst frá Grundarfirði samtímis ræsingu í Hálfu Jökulmíluna - almenningsviðburð. Hjólað austur í Stykkishólm og til baka. Drykkjarstöð verður í Stykkishólmi (eftir 39 km).