Seinasta laugardag, 14. febrúar fór fram þriðja formlega Íslandsmótið í e-hjólreiðum. Eins og seinustu ár fór keppnin fram í Zwift heimum.

Líkt og í hinunm tveim bikarmótum vetrarins voru A og B hóparnir ræstir samtímis og hjóluðu sömu vegalengd. Í þetta sinn var hjóluð leiðin “Stay Puft Pursuit" í Zwift, samtals um 32 km. með um 416 metra hækkun bæði í kvenna og karlaflokki.

Úrslitin voru þau að Íslandsmeistarar í e-hjólreiðum árið 2026 voru þau sömu og í fyrra, þau Ingvar Ómarsson (Breiðablik) í karlaflokki og Bríet Kristý Gunnardóttir (Tindi) í kvennaflokki!

Önnur úrslit voru þau að í kvennaflokki var Júlía Oddsdóttir (Breiðablik) í öðru sæti og í þriðja var svo Hafdís Sigurðardóttir (HFA). Í karlaflokki var Sigurður Tómas Víðisson (HFR) í öðru sæti og í þriðja Snorri Einarsson (Vestra).

Bikarmeistarar í B- flokkum voru svo þau Guðrún Valdís Halldórsdóttir (Breiðablik) og Jón Arnar Óskarsson (Tindi).

Nánari upplýsingar og úrslit má sjá hér.

Bein útsending frá viðburðinum var á Youtube-rás Tinds, og hægt er að horfa á útsendinguna aftur.

Við þökkum Hjólreiðafélagi Tindi kærlega fyrir að halda utanum Zwift mótaröðina 3. árið í röð.