Laugardaginn 1. nóvember fór fram 2. umferð í cyclocross mótaröðinni Kría Crossbollinn sem Hjólreiðafélag Reykjavíkur HFR stendur að í samvinnu við hjólreiðafélagið Tind, ásamt hjólreiðaversluninni Kríu. 

Keppnin fór fram í nýrri og skemmtilegri keppnisbraut í Leirdal í Grafarholti. Um 40 keppendur voru með að þessu sinni og voru aðstæður til keppni afar góðar m.v. árstíma.

Keppnin var spennandi í öllum flokkum og helstu úrslit voru að í kvennaflokki var María Ögn Guðmundsdóttir (HFR) hlutskörpust, um tveimur mínútum á undan Björk Kristjánsdóttur (Tindi) í öðru sæti, og Margrét Pálsdóttir (HFR) varð svo þriðja. Ingvar Ómarsson (Tindi) hafði sigur í karlaflokki, um 45 sekúntum á undan Hafsteini Ægi Geirssyni (HFR), og Óskar Ómarsson (Tindi) hlaut þriðja sæti.

3.  umferð Crossbollans er fyrirhuguð 22. nóvember.