Hjólavarpið og Hjólreiðasamband íslands hafa nú opnað fyrir tilnefningar vegna Gullhjálmsins 2024 og er öllum frjálst að senda inn. Tekið er við tilnefningum á heimasíðu HRÍ en frestur til að tilnefna rennur út fimmtudaginn 19. desember. 

Nafnbótin er ætluð einstaklingum, hópum eða samtökum sem hafa lagt sig fram við að bæta og byggja upp hjólreiðasamfélagið á Íslandi.

Ritstjórn Hjólavarpsins og HRÍ fara yfir innsendar tilnefningar og í kjölfarið hefst atkvæðagreiðsla. Í tilnefningunni þarf nafn viðkomandi að koma fram auk upplýsinga um hvers vegna viðkomandi á skilið að fá Gullhjálminn 2024. Farið verður yfir tilnefningar með tilliti til rökstuðnings og fjölda tilnefninga sem hver fær. Atkvæðagreiðsla fer svo fram yfir jólin.

Einstaklingurinn eða hópurinn sem verður fyrir valinu fær afhentann gullhjálminn og verður heiðruð í áramótaþætti Hjólavarpsins.

Verkefninu er ætlað að vekja athygli á því mikla og óeigingjarna starfi sem á sér stað innan íslensks hjólreiðasamfélags.

Tilnefndu þína manneskju, hóp eða samtök hér að neðan.

Tilnefna til Gullhjálmsins 2024

Hlekkur á tilnefningar: : https://forms.gle/NQmPMrvoEnbKYHY56