Hjólavarpið og Hjólreiðasamband íslands hafa nú opnað fyrir tilnefningar vegna Gullhjálmsins 2025. Öllum er frjálst að senda inn sínar tilnefningar hér á heimasíðu HRÍ en frestur til að tilnefna rennur út miðvikudaginn 31. desember. 

Eins og í fyrra er þessi nafnbót ætluð þeim einstaklingum, hópum eða samtökum sem hafa lagt sig fram við að bæta og byggja upp hjólreiðasamfélagið á Íslandi.

Ritstjórn Hjólavarpsins og HRÍ fara svo yfir innsendar tilnefningar og í kjölfarið hefst atkvæðagreiðsla. Í tilnefningunni þarf nafn viðkomandi að koma fram auk upplýsinga um hvers vegna viðkomandi á skilið að fá Gullhjálminn 2025. Farið verður yfir tilnefningar með tilliti til rökstuðnings og fjölda tilnefninga sem hver aðili fær. Atkvæðagreiðsla fer svo fram strax á nýju ári.

Einstaklingurinn eða hópurinn sem verður fyrir valinu fær afhentan Gullhjálminn og verður heiðruð/heiðraður í áramótaþætti Hjólavarpsins.

Verkefninu er ætlað að vekja athygli á því mikla og óeigingjarna starfi sem á sér stað innan íslensks hjólreiðasamfélags.

Tilnefndu þína manneskju, hóp eða samtök hér að neðan.

Tilnefna til Gullhjálmsins 2025

Hlekkur á tilnefningar: : https://docs.google.com/forms/d/e/1FAIpQLSfAbPyxBs1q35Mt579gp0V6AKUrh2MQ-I5RSNzfLR-fHLeeYA/viewform