Fulltrúar stjórnar og aðildafélaga ÍSÍ funduðu í dag með fulltrúum Almannavarna vegna Covid-19 veirunar.

Eins og staðan er í dag 9 mars 2020 er ekki búið að setja á neitt samkomubann eins og í nokkrum Evrópulöndum. Ekki verður lokað á fjöldasamkomur eins og mót eða annað vegna veirunar. 

Ef einhverjar breytingar verða á munu Almannavarnir gefa út svoleiðis skipanir með eins miklum fyrirvara og hægt er.

HRÍ vill koma eftirfarandi leiðbeiningum til aðildafélaga og iðkenda.

• Veiran er mjög fljót að smita.
• Mikil nánd við veikan einstakling er líklegt til að smita
• Veiran getur lifað mjög lengi á skítugum fleti. 24-48 klukkutíma. Jafnvel lengur

Núna þegar margir eru að æfa sig á innihjólum er því mikilvægt að muna eftirfarandi

• Höldum líkamlegri snertingu í lágmarki. Brosum í stað þess að takast í hendur eða knúsast.
• Mætum hrein á æfingar
• Æfum í hreinum fötum
• Sótthreinsum snertifleti á æfingahjólum fyrir og eftir notkun
  • Stýri
  • Hnakkur
  • Handföng
  • Tölva
  • Brúsahaldari
• Ef við finnum fyrir veikindum, ekki mæta á æfinguna vegna smithættu.

Með vonir um góðar undirtektir.

Kær kveðja, Stjórn Hjólreiðasambands Íslands.