Samkvæmt ályktun á Hjólreiðaþingi var tillaga stjórnar um 3. kafla keppnisreglna (flokkakerfi) sem kynnt var með frétt á vefsvæði HRÍ þann 11. febrúúar (Sjá hér) nánar útfærð og lagfæringar gerðar. Þetta var gert á fundi þann 23. mars þar sem fulltrúar allra aðildarfélaga höfðu tækifæri til að koma sínu á framfæri. Sú vinna gekk vel og voru þeir sem mættir voru sammála um að í vændum sé spennandi keppnistímabil.
 

Hér má sjá kaflann.
Keppnisreglur 2022 - 3. Kafli

Breytingar eru merktar með rauðu letri en hér er örlítil samantekt:

• Ólympískar fjallahjólreiðar (XCO) færðar um dálk og nota sama flokkakerfi og aðrar Fjallahjólagreinar (A-B-Master 35+)
• Cyclocross skilgreint með sömu flokka og götuhjólagreinar
• 3.2.6 Skilgreint nánar hvaðan og hvert beiðni á að fara.
• Viðurkenning verður veitt eftir keppnistímabilið í B og C flokkum í eftirfarandi aldursflokkum, 19-29, 30-39, 40-49, 50-59, 60+. Stig fyrir aldursflokka eru þau sömu og keppendur vinna sér inn í B-flokk
• Úrslit verða birt í aldursflokkum, en einungis verða veitt verðlaun og stig útfrá B-flokki.
• Keppendur 50 ára og eldri eru ekki skyldaðir upp ef þeir ná 135 stigum.
• 3.2.17 - Keppendur þurfa að keppa í sama flokki í Crit og Götuhjólreiðum, Skilgreint hvað gerist ef uppfærsla á sér stað
• 3.3 Tafla með vegalengdum lagfærð, XCO stytt úr 90-105 mínútum niður í 70-100 mínútur. Íslandsmót þarf þó að vera 90 mín.

Vinna við að yfirfara keppnisreglur fyrir tímabilið 2022 stendur yfir.