Dagana 18. til 20. ágúst fer fram í Les Menuires í Frakklandi Evrópumeistaramótið í fjallabruni. Við Íslendingar eigum þar 3 keppendur, en það eru þau :

Anton Sigurðarson (BFH) - U17
Björn Andri Sigfússon (HFA) - Junior
Sól Snorradóttir (HFR) - Junior

Keppendurnir eru komnir á staðinn og fór dagurinn í dag í að setja hjólin saman og skoða brautina. En brautin er opin og hröð með krefjandi kafla sem skiptast á að halda keppendum við efnið. Stökkpallar af stærri gerðinni og tvær stórar grjótskriður. Þeir tala hér um úti að þessi braut sé ekta frönsk.
Rásmarkið er í 2.300m hæð og endamarkið í 1.800m hæð og lengd brautarinnarinnar er 2,5km.

Næstu tveir dagar fara í æfingar í braut en á laugardag er tímataka og á sunnudag er svo keppnisferðin.

Hægt verður að fylgjast með tímum keppenda á slóðinni Raceresult.com