Íslenski landsliðshópurinn kom til Belgíu í gær. Eftir akstur til Maastricht þar sem liðið ásamt fararstjórum munu dvelja næstu 8 dagana voru hjólin sett saman og stuttur túr tekin um bæjinn.

Í dag var farið og kíkt í keppnisbrautina í Tímatökukeppnunum. Á morgun er hinsvegar opinber æfingadagur í tímatökubrautinni sem hefst í bænum Heusden-Zolder og endar í Hasselt. Notast er við sömu brautina í öllum tímatökukeppnum Evrópumótsins í ár.

Á miðvikudag er svo fyrsti keppnisdagurinn. Þá fer fram tímatökukeppnin í öllum flokkum. Á föstudag er komið að götuhjólakeppninni í U23 flokknum. Á laugardag verður keppt í Elite flokki kvenna og svo á sunnudaginn fara karlarnir af stað klukkan 10.30 að íslenskum tíma. 

Á heimasíðu keppninnar má sjá ítarlegri upplýsingar varðandi keppnina og þegar nær dregur má þar sjá nákvæmar tímasetningar allra keppenda í tímatökukeppnunum.

Fylgist með á Instagram síðu Hjólreiðasambandsins