Þessa dagana eru 4 ungir hjólarar í Cyclo-cross æfingabúðum í  höfuðstöðvum Alþjóða hjólreiðasambandsins - UCI í Aigle, Sviss. Æfingabúðirnar standa yfir dagana 10. til 15. október.

Seinustu ár hefur UCI boðið nokkrum löndum að senda efnilega hjólara á aldrinum 16 til 22 ára til æfinga í Aigle, Sviss. Í æfingabúðunum er einblínt á líkamlegan og andlegan styrk ásamt færni og þjálfun á sviði cyclo-cross greinarinnar. Í lok æfingabúðanna munu svo þátttakendur taka þátt í keppninni "Omnium Romand de Cyclo-cross", sem fer fram á sama stað.

Þau sem fóru til Sviss í ár eru; 

• Tómas Kári Björgvinsson Rist - BFH
• Ísak Steinn Davíðsson - BFH
• Fanney Rún Ólafsdóttir - HFR
• Sigríður Dóra Guðmundsdóttir - HFR

Í fyrra var okkur í fyrsta skiptið boðið að senda okkar fólk í æfingabúðirnar. Að því tilefni fóru frá Íslandi þau Eyþór Eiríksson, Breki Gunnarson, Jóhann Dagur Bjarnason og Bergdís Eva Sveinsdóttir öll frá HFR.