Ungdúró #3 AFLÝST

Tindur og BFH kynna:

Enduro keppni fyrir alla krakka og unglinga fædd 2011 - 2002 laugardaginn 26.Sep 2020

Enduro er keppnisform í fjallahjólreiðum þar sem allir hjóla saman langa leið og aðeins er keppt á merktum sérleiðum sem eru aðallega niður á móti. Keppandi stimplar sig inn í byrjun á þess konar sérleið og svo út í lok hennar. Við áætlum að vera með uþb tvær til fjórar sérleiðir (eftir aldursflokkum) og er það samanlagður tími keppenda úr þeim sem gildir.

Allir sem keppa verða að hafa fjallahjólað áður og vera örugg á hjólinu því farið er í frekar tæknilegar brautir. Hjólin verða að vera fjallahjól í góðu lagi og þá sér í lagi bremsur og dekk. Allir þurfa að vera með bakpoka með aukaslöngu og vatn. Skylda er að vera með góðan hjálm og hanska. Allur annar hlífðarbúnaður er af hinu góða og við mælum sérstaklega með lokuðum hjálm og bakbrynju, sérstaklega hjá þeim eldri því þau verða í mjög tæknilegum leiðum.

Start verður frá suðurhlið Perlunnar kl 11.

Áætlað er að keppnin taki uþb 2 tíma og verður verðlaunaafhending stuttu eftir að síðasti keppandi er kominn í mark.

Keppt verður í nokkrum aldursflokkum:
Junior 17-18 ára, 2002-2003
U17 15-16 ára, 2004-2005
U15 13-14 ára, 2006-2007
U13 11-12 ára, 2008-2009
U11 9-10 ára, 2010-2011

Verðlaun verða veitt í hverjum kyn og aldursflokki fyrir sig.