Fréttir

Á morgun klukkan 10:00 hefst miðasala á Heimsmeistaramótið í Skotlandi sem fer fram dagana 3. - 13. ágúst.

Enn eru nokkrar viðurkenningar ósóttar vegna móta seinasta sumars.  Þessar viðurkenningar liggja bara hér í glugganum á skrifstofu HRÍ

Þann 1. janúar s.l. tók í gildi uppfærður listi yfir efni og aðgerðir sem bönnuð eru hjá Alþjóðalyfjaeftirlitsstofnuninni (WADA). Listann í heild sinni má sjá hér. Athugið að það er alltaf á ábyrgð keppandans að vera upplýstur um hvaða efni og aðferðir eru á listanum. Hér er einnig að finna lista yfir þær breytingar sem er að finna á nýjum lista WADA.

Hjálagt er mótaskrá / keppnisdagatal fyrir árið 2023 Athugið að hér eru um drög að keppnisdagatali ársins að ræða og er því með fyrirvara um nauðsynlegar breytingar.  

Nú um helgina var hópur efnilegustu hjólurum landsins mættir á Laugarvatn í hæfileikabúðir Hjólreiðasambands Íslands. Dagskráin var þétt skipuð af fyrirlestrum, teygjum, æfingum, fræðslu, góðum mat, samveru og almennu spjalli um hjólreiðar. Samtals voru 23 hjólarar á aldrinum 14 til 20 ára saman komnir að þessu sinni. Farið var yfir helstu afreksmál liðins tímabils sem og kynning á helstu landsliðsverkefnum komandi hjólreiðatímabils. Meðal annars komu Margrét Arna Arnardóttir og fór yfir helstu liðleika-, styrktar- og teygjuæfingar sem eru öllu hjólreiðafólki mikilvægir. Ingvar Ómarson kíkti í heimsókn sagði m.a. frá sínum bakgrunni í hjólreiðum, ferilinn, markmiðssetningu og helstu afrekum og upplifunum hans sem atvinnuhjólari til mikillar hvatningar unga hjólreiðafólksins. Á sunnudag kom til okkar Conor Jordan Murphy, doktor í íþróttafræði og fór hann yfir fræðslu á sviði æfinga, æfingarprógrams og þolprófs. Helgin heppnaðist gríðarlega vel í góðu veðri og fallegu umhverfi á Laugarvatni. Mikael Schou afrekstjóri hélt utan um búðirnar og lagði línurnar að næsta keppnistímabili og miðlaði af sinni reynslu til þessa efnilega hóps hjólreiðafólks.

Lokahóf Hjólreiðasambandsins var haldið í Víkinni í dag. Allir bikarmeistarar ársins voru heiðraðir, viðurkenningar í aldursflokkum veittar og tilkynnt um val á hjólreiðafólki ársins. Hjólreiðafólk ársins 2022 eru þau Hafdís Sigurðardóttir - HFA og Ingvar Ómarsson - Breiðablik. Efnilegasta hjólreiðafólk ársins eru þau Bergdís Eva Sveinsdóttir - HFR og Tómas Kári Björgvinsson Rist - BFH. Tómas Kári Björgvinsson Rist og Bergdís Eva Sveinsdóttir      

Nú í dag fór fram Íslandsmótið í Cyclocross í Gufunesi. Mótið var haldið líkt og seinustu ár af Hjólreiðafélagi Reykjavíkur (HFR). Annað árið í röð voru það Björg Hákonardóttir og Ingvar Ómarsson sem sigruðu í Elíte flokkunum. Í kvenna flokki varð Elín Björg Björnsdóttir í öðru sæti og í þriðja sæti var Hafdís Sigurðardóttir. Í öðru sæti í flokki karla var Dennis van Eijk og í þriðja sæti varð svo Hafsteinn Ægir Geirsson.

Fyrsta landslið Íslands í Enduro fjallahjólreiðum tók þátt í Trophy of Nations keppninni á vegum Enduro World Series í Finale Ligure á Ítalíu 2. október sl. Liðið var skipað þeim Jónasi Stefánssyni, Berki Smára Kristinssyni og Þóri Bjarna Traustasyni ásamt fararstjóranum Franz Friðrikssyni. Mótið er heimsmeistaramót landsliða og fá sigurvegarar í Junior, Elite og Masters flokkum regnbogatreyjur UCI að launum, og eru krýndir heimsmeistar. 

Fyrsta heimsmeistaramótið í malarhjólreiðum, "UCI Gravel World Championships", mun fara fram í Veneto á Ítalíu dagana 8. og 9. október n.k. María Ögn Guðmundsdóttir öðlaðist þátttökurétt á mótið nú í upphafi september og mun hún mæta til leiks og verða þannig fulltrúi Íslands þar. Sannarlega ánægjuleg staðreynd að það verði Íslendingur á svæðinu. Að þessu tilefni skrifaði María undir landsliðssamning í dag.  

Skrifað var í dag undir landsliðssamning við þá keppendur sem keppa munu fyrir hönd Íslands á "Trophy of Nations" Enduro mótinu sem fram fer á Ítalíu dagana 1. til 2. október nk. Þeir þrír Enduro hjólarar sem fara út í ár eru þeir, Jónas Stefánsson, Börkur Smári Kristinsson og Þórir Bjarni Traustason. Fararstjóri með þeim í ferðinni er svo Franz Friðriksson. Hópurinn ásamt Mikael Schou afreksstjóri HRÍ - á myndina vantar Jónas Stefánsson